ဒီလိုလေ.. ၂ လမ်းမောင်းကားလမ်းတွေမှာ တခြမ်းစီခြားပြီး လမ်းပိတ်ကာ ကွန်ကရစ်ခင်းနေတော့ ပထမဆုံး ပြဿနာက ကားလမ်းတွေပိတ်တာပေါ့.. တာမွေဈေးဟောင်းရှိတဲ့လမ်း.. တာမွေပလာဇာရှေ့လမ်း.. သုဝဏ္ဏအသင်းတိုက်မှတ်တိုင်လမ်းတွေမှာ မနက်ရုံးချိန် ညနေရုံးချိန်ဆို ကားကြီးတွေ ပိတ်ဆို့ပြီး စိတ်ညစ်စရာကောင်းလှပါဘိ..

ဒီမနက်ကိုပဲ အသင်းတိုက်မှာ ကြုံလာရပြီ.. လမ်းက ၃ လမ်းသွား.. အဲ့ဒါကို တစ်ခြမ်းပိတ်ပြီးကွန်ကရစ်ခင်းနေတော့ တခြမ်းလေးပဲ ကပ်သီးကပ်သပ်မောင်းရတဲ့လမ်း.. အဲ့ဒိလမ်းလယ်ကြီးမှာ ပါရမီအဓိပတိကားကြီးက စလွန်းကားလေး တစ်စီးနဲ့ တိုက်မိရော.. အဲ့ဒါကို ကားကို မရွှေ့ပေးဘူး.. ရွှေ့လိုက်ရင် အနေအထားပျက်သွားပြီး သူ့အမှားဖြစ်မှာစိုးလို့ပါတဲ့.. သူက မရွှေ့ပေးတော့ နောက်ကကားတွေက ကျော်မရ ပြုမရနဲ့ ပိတ်ကုန်ရော.. အတော်ကြီးကိုကြာတယ်.. ကားတွေ တသီတန်းနဲ့.. နောက် ကားသမားတွေက ဘယ်သူကမှတော့ မဆဲဘူး.. သူတို့ ချင်းချင်း ရိုင်းကြတာ.. ရွှေ့လိုက်ရင် လျော်ရပြုရ စကားများမှာ စိုးလို့နဲ့တူပါတယ်.. မော်တော်ပီကယ်မလာမချင်း မရွှေ့တာ နာရီဝက်လောက်ကြာတယ်..

ကားပေါ်က တချို့လူတွေက ကားပိတ်တာကြာလို့ဆိုပြီး အရှေ့နားက မှတ်တိုင်ဆီ ကားပြောင်းစီးဖို့ ဆင်းလျှောက်ကြတယ်.. သိပ်ပိန်းတာပဲလို့ သူတို့ကိုယ်သူတို့ မထင်ဘူးလား မသိဘူးနော်..

ကမ္ဘာပျက်တယ်ဆိုတာ ဘယ်လိုမျိုးလဲလို့ ရုပ်ရှင်တွေထဲမှာတော့ ခဏခဏကြည့်ဖူးပါရဲ့.. တကယ်ပဲ အဲ့ဒိပုံစံမျိုးကြီးလား.. ကမ္ဘာကြီးတစ်ခုလုံး မပျက်စီးဘူးဆိုရင်တောင် လူတွေကတော့ တစ်နေ့မဟုတ်တစ်နေ့ ပျက်စီးသွားကြတာပါပဲ.. ဒီတော့ သိပ်တော့မထူးဘူးပြောရမလား.. ဒါပေမယ့် ထိတ်လန့်ကြောက်ရွံ့နေတဲ့လူတွေကို မြင်နေရမှာတော့ ထူးမယ်ထင်တယ်..

တကယ်သာ အဲလိုတွေ အလန့်တကြားဖြစ်နေချိန်ဆို..

ဘယ်သူနဲ့မှ အတူမရှိနေချင်ဘူး.. ဘာမှကိုလည်း တွေးမကြောက်တော့ဘူး.. ဘာမှလည်း မပြင်ဆင်ဘူး.. ဝမ်းနည်းခြင်း.. ဝမ်းသာခြင်းတွေလည်း ကြိုးစားဖယ်ထုတ်ထားမယ်.. ပျက်စီးသွားမယ့် လူတွေနဲ့ ကမ္ဘာကြီးကို မမြင်ချင်တဲ့အတွက် ကိုယ့်ဘာသာပဲအချိန်တစ်ခု သတ်မှတ်ပြီး အရင်ကြိုသေထားလိုက်တော့မယ်.. အနည်းဆုံးတော့ “ငါဟာငါဖြစ်တယ်” ဆိုတဲ့ အမြဲခံယူချက်နှင့် ကိုက်ညီလှစွာ.. “ငါသေမယ့်အချိန်တော့ ငါပိုင်တယ်”ဆိုတာမျိုးဖြစ်အောင် ကြိုးစားလိုက်ဦးမယ်.. ဒါပါပဲ..

ဓာတ်ပုံတွေ တင်မယ်ဆိုပြီး မတင်ဖြစ်သေးဘူး.. နောက်တော့ တင်မယ်.. ဘာစာမှ မရေးနိုင်ပါ.. ဒီတစ်ခါတောင်ကြီးမှာ ထင်သလောက်မပျော်ခဲ့.. ခုချက်ချင်း ပြန်တက်ချင်နေစိတ်ကိုလည်း ချိုးနှိမ်မရ..

အကြီးအကျယ် စိတ်ပူနေပါတယ်.. ရင်တွေကျပ်ပြီး အသက်ရှူမဝပါ..

(တချို့ဓာတ်ပုံတွေ ဒီမှာ တင်ထားပြီးပါပြီ)

အဲ့ဒါနဲ့ ခုပုံတွေနဲ့ ဘာဆိုင်လဲဆိုတော့.. .

ဘာမှတော့ မဟုတ်ဘူး.. ဘာမှလည်း မဆိုင်ဘူး..

နောက်တစ်ပုံကြည့်ကြဦး..

တကယ်ဘာမှ မဟုတ်တာပါ.. အစိမ်းရောင်နဲ့ အနီလေးတွေ မိုးရာသီညနေခင်းမှာ လှလှပပ ရှိနေလိုက်ကြပုံများကို သဘောကျလို့ ဒီပုံလေးတွေ ရိုက်ယူဖြစ်သွားတယ်..

သဘောကျကြမယ် ထင်ပါရဲ့ ….

ကျွန်မ ၉ တန်းတုန်းက ကျွန်မတို့ မောင်နှမဝမ်းကွဲ ၃ ယောက်ရွယ်တူ အတန်းတူတွေရှိနေတော့ ဘာသာစုံကျူရှင်ယူဖို့ကို ကျွန်မအဖွားအိမ်မှာ ဝိုင်းလုပ်ဖြစ်သည်.. ကျွန်မတို့ မောင်နှမ ၃ ယောက်အပြင် တခြားသူငယ်ချင်း ၅ ယောက်နှင့် အားလုံးပေါင်း ၈ ယောက်.. တစ်နေ့ကျတော့ မြန်မာစာအချိန်အပြီးမှာ ကျွန်မအမေရော တခြားအဒေါ်တွေပါ ကျွန်မတို့စာသင်ရာနေရာကို ရောက်လာကြသည်.. ကျွန်မအဖွားအိမ်မှာက အဒေါ်တွေ ဦးလေးတွေ မကြာခဏလာလာစုံကြလေ့ရှိပြီး လာတိုင်းလည်း ကျွန်မတို့ကျူရှင်ခန်းလေးရှိရာကို ချောင်းကြည့်တတ်ကြတာပါပဲ.. သို့သော်အဲသည့်နေ့ကတော့ ကျွန်မတို့ကို ဆရာမက အစမ်းစာမေးပွဲစစ်သည့်နေ့ဖြစ်ပါသည်.. အမေတွေအဒေါ်တွေရောက်လာချိန်မှာ ဆရာမက ကျွန်မကို ချီးကျူးစကားဆိုနေချိန်ဖြစ်သည်.. ကျွန်မ တော်ကြောင်း မြန်မာစာ ကျက်အားမှတ်အား.. နောက် စာဖတ်အား.. စိတ်ဝင်စားမှုတို့အပြင် လက်ရေးလက်သားကအစ ကောင်းသည်ဟု ကျွန်မချီးကျူးခံနေရချိန်ဖြစ်ပါသည်.. အဲသည့်နေ့က မေမေရယ်သည်.. ကျွန်မအမေရယ်နေတာကို ကြည့်ပြီး ကျွန်မသိပ်ပျော်သွားပါသည်.. ခုချိန်ထိ မေမေလို့ စဉ်းစားရင် အဲသည့်နေ့က ဆရာမက သူ့ဘက်လှည့်ပြီး ပြုံးပြလိုက်ချိန်မှာ ပြန်ရယ်ပြလိုက်သည့်ပုံစံကိုသာမြင်ယောင်နေမိသည်.. ခပ်ရွှင်ရွှင် ခပ်မြူးမြူးရယ်သံ.. ဘဝင်မြင့်သော ဂုဏ်ယူနေသော.. အနည်းငယ်ကြွားလိုသည့်ဟန်ပါနေသည့် မိခင်တစ်ယောက်၏ရယ်သံကို ကျွန်မသိပ်ချစ်သွား၏..

နောက်ထပ် စွဲလန်းမိသည့် ရယ်သံတစ်ခုက ကျွန်မသူငယ်ချင်းတစ်ယောက်၏ အသံဖြစ်သည်.. ဘဝမှာ ပျော်စရာတွေနည်းပါးနေသူတစ်ယောက်၏ ရယ်သံသည် သိပ်ချစ်ဖို့ကောင်းပါသည်ဟု ကျွန်မကပြောရင် မယုံမကြည်များဖြစ်နေကြမလား.. သို့သော် သူရယ်လိုက်ရင်ဖြင့် တကယ်ကိုချစ်စရာကောင်းပါသည်.. အနည်းဆုံးတော့ ကျွန်မအတွက်ပေါ့လေ.. သူ့ရယ်သံကို တယ်လီဖုန်းလိုင်းကြိုးများမှတဆင့်သာ ကြားဖူးသော်လည်း ကျွန်မတစ်သက် ဘယ်တော့မှ မေ့မည်မထင်ပါ.. သူ စကားပြောလျှင် ခပ်ဝဲဝဲခပ်မြန်မြန်.. သူ့အသံက ချိုချိုဖျော့ဖျော့.. ရယ်လိုက်လျှင် သူ့အသံက ပိုချိုသွားကာ ပို၍ငယ်သွားသလိုပဲ.. သူက ရယ်စရာပြောသောအခါ အဆုံးသတ်မှာ `ဟာဟာဟ´ ဆိုသော အသံလေးဖြင့် ဆုံးသွားတတ်သည်.. `မိန်းကလေးအိမ်ပြန်ချိန်ဆိုတော့ ကိုးနာရီခွဲပေါ့ဗျာ.. ဟာဟာဟ´ တဲ့.. ကျွန်မဆီ ဖုန်းဆက်သော ညတစ်ညမှာ အိမ်မှာ ကျွန်မရှိမနေသဖြင့် သူက ထိုသို့စနောက်ဖူးပါသည်.. `ဟာဟာဟ´ဆိုသော ပြောင်ချော်ချော်ရယ်သံကို သူ့လိုချစ်စရာကောင်းအောင် ရယ်တတ်သူ ကျွန်မ မကြုံဖူးသေးပါ.. များများရယ်သင့်တယ်လို့ သူ့ကို ကျွန်မကပြောတော့ သူက သိသည်ဟုဆိုခဲ့ပါသည်.. “ဖြစ်နိုင်ရင် ကျနော်လည်း ရယ်နေချင်တာပေါ့ဗျာ” တဲ့.. နာကျင်သံစွက်နေသော ချစ်စရာကောင်းသည့် သူ့ရယ်သံတိုးတိုးကို ကျွန်မစွဲလန်းမိပြန်ပါသည်..

ကလေးတွေ၏ တခစ်ခစ်ရယ်သံကိုလည်း ကျွန်မနှစ်သက်ပါသည်.. စိတ်လှုပ်ရှားမြူးထူးမှုကြောင့် အော်လိုက်သော အား ကနဲအသံသေးသေးလေးတွေသည် ရယ်သံဟုခေါ်လား မခေါ်လားတော့ ကျွန်မ မပြောတတ်.. သို့သော် အဲသည့်အသံလေးတွေကို ကျွန်မအရမ်းချစ်တာပဲ.. ကျွန်မက ကလေးချစ်တတ်သူတစ်ယောက် မဟုတ်ပါ.. ကလေးများကို ကျွန်မကြောက်ပါသည်.. စိတ်လည်းမရှည်လှ.. ချစ်စရာကောင်းသောကလေးငယ်များတွေ့လျှင် ခဏတာချော့မြှူ ဆော့ကစားတတ်တာကလွဲလို့ ကလေးများကို ကြာရှည်မထိန်းကျောင်းတတ်ပါ.. သို့သော် သူတို့ဆီမှ ကြားရတတ်သည့် အဖြူထည်သက်သက် အသံလေးများကိုတော့ ကျွန်မနှစ်သက်မိ၏.. ကလေးငိုသံကြားလျှင် ကျွန်မအင်မတန်ဒေါသထွက်တတ်ပြီး အလကားအဓိပ္ပါယ်မရှိ ရယ်နေတတ်သည့် ကလေးများကိုတော့ တစ်ချို့လူကြီးများက ဟန့်တတ်သော်လည်း ကျွန်မကတော့သဘောကျမိသည်.. ကလေးတို့၏ ရယ်သံသည် ကျွန်မကို စိတ်ကြည်လင်စေပါသည်..

ကျွန်မအစ်ကိုက စိတ်လှုပ်ရှားလာလျှင် ရယ်လေ့ရှိသည်.. သဘောကျလျှင်.. တစ်ခုခုကိုဖုံးကွယ်လိုလျှင်.. သူ မပြောချင်သော အကြောင်းအရာတစ်ခုခုကို ရှောင်ရှားလိုလျှင် ရယ်ပါသည်.. သူ့ရယ်သံက ခပ်ကျယ်ကျယ် ခပ်မြန်မြန်.. ဟားဟားဟားဟူသော အသံခပ်မြန်မြန်ပြီးလျှင် ရှိုက်သံဖြင့် အဆုံးသတ်သွားလေ့ရှိသည်.. “ဟိုးဟိုးဟိုး”ဆိုသော အသံမျိုးကိုလည်း သူမို့လို့ ရယ်တတ်သည်.. သူ့စိတ်ပင်ပန်းမှုများအကြောင်း ဒါမှမဟုတ် သူ့ကောင်မလေးအကြောင်း ကျွန်မကမေးလျှင် ပထမတစ်ခွန်းမှာ သူစနောက်၍ဖြေမည်.. နောက်တစ်ခါ အတည်ထပ်မေးလျှင် “ဒီလိုပါပဲ”.. “အဆင်ပြေပါတယ်”.. “ဒီလိုပဲပေါ့” စသည့် မရေမရာ စကားများဖြင့်ဖြေတတ်ပြီး.. သေချာပြောပြဖို့ ကျွန်မတောင်းဆိုလျှင် သူရယ်တော့မည်.. “ဘာလုပ်ဖို့လဲ ဒီလိုပါပဲ အဆင်ပြေပါတယ်ဆို” .. ကျွန်မက ရယ်စရာပြောသည့်အခါ.. ကျွန်မက သူ့ကိုစနောက်သည့်အခါ ပျော်ရွှင်ပေါ့ပါးစွာ မျက်စိနှစ်လုံးစလုံး မှေးစင်းသည်အထိ သူရယ်မည်.. ကျွန်မကို တစ်ခုခုဖုံးကွယ်ချင်လျှင် မျက်လုံးချင်းရှောင်ရှားလျက် သူရယ်မည်.. သူ့ကိုယ်သူ သဘောကျလျှင်.. မပြောချင်သည့်အကြောင်းအရာ တစ်ခုနှင့်ဆုံလာလျှင်သူရယ်မည်.. အင်မတန်ရိုးရှင်းလှသော ရယ်သံကိုပိုင်ဆိုင်ထားသော်လည်း ဘယ်နေရာမှာကြားကြား အဲ့ဒါကျွန်မအစ်ကိုရဲ့ရယ်သံလို့ ခွဲခြားသိနိုင်လောက်သည်ထိ ကျွန်မ သူ့ရယ်သံကို ချစ်ပါသည်..

နောက်ထပ် ကျွန်မကို ရင်ခုန်စေတာကတော့ ကျွန်မချစ်သူ၏ လှောင်ရယ်သံဖြစ်သည်.. “အဟက်”ဟူသောအသံဟု အနီးစပ်ဆုံးအသံဖလှယ်နိုင်မည်ထင်၏.. ထိုအသံအတွက် နှုတ်ခမ်းလှုပ်ရှားမှုက ညာဘက်နှုတ်ခမ်းထောင့်စွန်းလေးတွန့်ကွေးရုံသာ..  သူ့နှုတ်ခမ်းပါးပါးလေး၏ အလှုပ်အရှားမှာ ကြည့်ကောင်းသည်ဟု ကျွန်မ ထင်ပါသည်.. ကျွန်မညာနေသည်ဟု သူသိကြောင်းပြသသည့် ခပ်ထေ့ထေ့လှောင်ရယ်သံ.. ကျွန်မဖန်တီးထားသော အနုပညာတစ်ခု လွဲချော်နေလျှင် ခေါင်းခါလျက် ရယ်တတ်သည့် ချစ်စနိုးလှောင်ရယ်သံ.. ဘဝ၏ရယ်စရာမောစရာ လှောင်ချင်စရာများကို အရွဲ့တိုက်သည့် အားရပါးရလှောင်ရယ်သံ စသည်ဖြင့် သူ့နှုတ်ခမ်းလေးတစ်ချက်အကွေး.. “အဟက်”ဆိုသောအသံလေး၏ နောက်ကွယ်မှာ အကြောင်းရင်းများစွာရှိနေတတ်သည်.. လှောင်ရယ်သံသည် ကောင်းသော အတိတ်နိမိတ်မဟုတ်မှန်း ကျွန်မသိသော်လည်း သူ့ရယ်သံကိုတော့ မစွဲလန်းပဲမနေနိုင်ခဲ့ပါ.. ကျွန်မကို လှောင်ပြောင်နေသည်ဖြစ်ပါစေဦး ထိုရယ်သံကို ကျွန်မ ရင်ခုန်ပါသည်.. တစ်ခါတလေ တစ်စုံတစ်ခုကိုသဘောကျလို့ သူ တဟားဟားရယ်မောနေလျှင် ကျွန်မ အမြင်ကပ်တတ်သော်လည်း ထီမထင်မျက်နှာပေးဖြင့် ခပ်ထေ့ထေ့လေးလှောင်ရယ်လျှင်တော့ ကျွန်မသူ့ကို သိပ်သဘောကျမိသည်.. ချစ်သူ၏ လှောင်ရယ်သံများကို စွဲလန်းရင်ခုန်နေခြင်းကြောင့် ကျွန်မကို အတော်လေးရူးသွပ်သည့် မိန်းမတစ်ယောက်ဟုများ သတ်မှတ်ကြမည်လားမသိ..

ရယ်သံကိုမနှစ်သက်သောသူဆိုတာ ကမ္ဘာပေါ်မှာ သိပ်ရှားမှာပါ.. ကျွန်မလိုပဲ တစ်ချို့ရယ်သံများကို စွဲလန်းရူးသွပ်တတ်သူရော ရှိနိုင်ပါသလား.. ကျွန်မအထီးကျန်အဖော်မဲ့နေတိုင်း.. ကျွန်မမှာ စကားပြောရမည့် တိုင်ပင်ဆွေးနွေးရမည့်လူ မရှိချိန်တိုင်းမှာ.. ထိုခဏလေးများမှာ ကျွန်မမှတ်မိရင်းနှီးနေသော ရယ်သံများက ရှေ့ဆက်နိုင်ဖို့ခွန်အားတွေကို ပေးတတ်၏.. မေမေ့ရယ်သံကိုကြားလျှင် ကျွန်မအားတက်လာသည်.. ချစ်သူ၏ ရယ်သံကြောင့် ကျွန်မ ရင်ခုန်လှိုက်မောရသည်.. သူငယ်ချင်း၏ ရယ်သံချိုချိုလေးကို ကြားယောင်လျှင် ကျွန်မနွေးထွေးလာရသည်.. အစ်ကို့၏ ခွန်အားရှိသောရယ်သံကြောင့် ကျွန်မတက်ကြွလာသည်.. ကလေးငယ်များ၏ ရယ်သံများကြောင့် ကျွန်မလွတ်လပ်ပျော်ရွှင်လာရသည်.. ရယ်သံများကို ကျွန်မချစ်ပါသည်.. ရယ်သံများကို ကျွန်မရင်ခုန်စွဲလန်းပါသည်.. ရယ်သံများကို ကျွန်မစောင့်မျှော်နေပါသည်..

သင်ရော …
ရယ်သံများကို သတိပြုမိပါရဲ့လား .. … …..

နောက်ပြီး ကိုရီးယားကား The Host တို့..

အဲ့ဒိ ဇာတ်ကားတွေထဲကလိုပဲ.. အကောင်သေးသေးလေးကနေ မဟုတ်မဟတ်ဓာတ်တွေ ဝင်နေပြီးတော့ အကောင်အကြီးကြီးဖြစ်လာ.. ကမ္ဘာမြေကြီးနဲ့ ကမ္ဘာသူ ကမ္ဘာသားတွေကို နှောင့်ယှက်ရန်ပြုမယ့် သတ္တဝါကြီးတစ်ကောင် နန်းညီ မွေးထားတယ်..

သတ္တဝါကြီး အရွယ်ကြီးလာလို့ ရန်ပြုတဲ့အခါ နန်းညီကပဲ ရင်နာနာနဲ့ ပြန်ပြီး တိုက်ခိုက်နှိမ်နှင်းမယ်.. အဲ့ချိန်မှာ ဟီးရိုးအဖြစ် ခပ်ချောချောကောင်လေးတစ်ယောက်က နန်းညီနဲ့အတူ သက်စွန့်ဆံဖျားပေါ့.. (ဘယ်လိုကောင်လေးမျိုးလဲဆိုတော့ ဒီကောင်လေး လိုမျိုး).. နောက်ဆုံး သတ္တဝါကြီးလည်း သေရော.. အတူတကွ သက်စွန့်ဆံဖျား ရင်းနှီးထားကြတဲ့ နန်းညီနဲ့ သူလည်း ဒန်တန့်တန်..

သတ္တဝါကြီးကို မြင်ဖူးချင်ကြရင် Read the Rest Entry ပေါ့နော်..  ခုတော့ ငယ်သေးတယ်.. သူ ကြီးလာမှ ဘယ်လိုပုံဖြစ်မလဲတော့ စောင့်ကြည့်ကြတာပေါ့နော်..

အိမ်မြှောင်.. (တချုိ့ကလည်း ပိန်ညှောင်လို့ ခေါ်ကြပါတယ်) သူ့ခေါင်းက ဘာဖြစ်နေတာလဲမသိဘူး.. လက်နားမှာလည်း အပေါက်ဖြစ်နေသေးတယ်.. ဒါကြောင့်ပြောတာ ကြီးလာရင် အကောင်ကြီးဖြစ်လာမှာပါဆို..

“လင်း ဘယ်လိုလုပ် ဒီကိုရောက်နေတာလဲ”
“ဘယ်လိုရောက်နေလဲ ဆိုတော့ လာလို့ရောက်နေတာပေါ့ဗျာ”
“ဟာ မဟုတ်ဘူးလေ.. ပြန်လာမယ်ဆိုတဲ့အကြောင်းလည်း ပြောသံမကြားပဲနဲ့ ရုတ်တရက်ကြီး လမ်းထိပ်မှာ မြင်လိုက်တော့..”

သော်က အံ့သြစွာ အလောတကြီးပြောနေပေမယ့် သူက ဘာမှ ပြန်မပြောဘဲ ပြုံးလို့သာနေသည်.. သော်အားမလို အားမရဖြစ်သွားလျက် သူ့လက်များကို တင်းတင်းဆုပ်ကိုင်လိုက်မိပါသည်.. လက်များ အေးစက်နေ၏.. ဆောင်းရာသီ၏ ညဦးပိုင်းမို့ ညသည် အတော်အတန်အေးလျက်ရှိပြီ.. သူ ဘယ်အချိန်ထဲက ဒီနေရာမှာ သော့်ကို စောင့်နေလဲမှ မသိတာ..

“လင်း ဘယ်ချိန်ကတည်းက ဒီမှာစောင့်နေတာလဲ.. သော့်အိမ် ဘယ်လိုသိလဲ.. သော် အလုပ်ဆင်းရင် ဒီကပြန်တတ်မှန်းရော သေချာသိလို့လား”
“ဖြည်းဖြည်းမေးမှပေါ့.. ကျနော် ရောက်တာ မကြာသေးပါဘူး.. အိမ်ကတော့ဗျာ.. ခင်ဗျားပေးထားတဲ့လိပ်စာအတိုင်း လာတာပေါ့.. ဒီကပြန်တတ်မှန်းလည်း ခင်ဗျားပြောဖူးလို့ သိတာပဲ”
“လင်း ပြန်လာမယ်လည်း မပြောပါလား.. အွန်လိုင်းမှာ ၃ ရက်လောက်မတွေ့တော့ နေမကောင်းဖြစ်ပြန်ပြီ ထင်နေတာ”

သူက ပြုံးပြန်လျက် “အစီအစဉ်မရှိဘဲ ပြန်လာဖြစ်တာ”ဟု ခပ်တိုးတိုးဖြေ၏.. ခုနက အံ့သြလွန်းသဖြင့် ရင်ခုန်ဖို့ မေ့နေသော သော်သည် ယခုမှပင် ရင်များတဒိတ်ဒိတ်ခုန်လျက် ပျော်ရွှင်လာသည်.. ကြည့်စမ်း.. သူ့ကို မြင်ဖူးရပြီ.. သူ တကယ်ကြီးကို ပြန်ရောက်လာပြီပေါ့.. သော့်ကို တကယ်ကြီးကို လာတွေ့ပြီပေါ့.. သော် ဆုပ်ကိုင်ထားတာ သူ့လက်ပါလား.. ၂ နှစ်တိတိ လူချင်းမမြင်ဖူးဘဲ စာဖြင့် ဖုန်းဖြင့် ရင်းနှီးစွာ ခင်မင်ခဲ့.. (သော့်ဘက်ကတော့ စွဲလန်းစွာ ချစ်ခင်ခဲ့).. အခုတော့ သော် သူ့ကိုတွေ့ရပြီ..

“လင်း အပြီးပြန်လာတာလား”

သူက မဖြေဘဲ လမ်းထဲကို တချက်လှမ်းမျှော်ကြည့်၏.. လမ်းထဲမှ မိသားစုတစ်စု ထွက်လာနေသည်.. ရုတ်ရုတ်သဲသဲ ဆူညံစွာ.. မြန်မာမိသားစု မြန်မာဓလေ့ မြန်မာစကားသံများနှင့် ဝေးကွာနေတာ ကြာပြီဖြစ်သော သူက စူးစိုက်လျက်သာ ကြည့်နေသည်.. လမ်းထိပ်မှာ ယောက်ျားလေးတစ်ယောက်နှင့် မျက်နှာချင်းဆိုင်လျက် လက်ကိုဆုပ်ကိုင်ကာ စကားပြောနေသော သော့်ကို မိသားစုမှ အဖေနှင့်အမေဖြစ်သူက စပ်စုစွာကြည့်၏.. သော် ပြုံးပြလိုက်ပါသည်.. ယနေ့ညအဖို့ သော့်အတွက် ဘယ်အရာမဆို ပြုံးရွှင်ချိုသာစရာများသာ ဖြစ်နေတော့မှာပါပဲ..

“လင်း အိမ်ကို လိုက်လည်မယ်မဟုတ်လား”

မိသားစုဆီမှ အကြည့်ကိုလွှဲပြီး သော့်ကို စူးစိုက်ကြည့်လာပြန်သည်.. ဓာတ်ပုံတွေမှာ မြင်ဖူးတဲ့အတိုင်းပဲ မျက်နှာက ချောင်ကျလျက် ဖြူဖျော့ဖျော့ပါးပြင်နှင့် မျက်ဝန်းနက်နက်များ.. ထူးလည်းထူးဆန်းနေသလိုပဲ.. မိုင်ပေါင်းများစွာဝေးကွာနေရာမှ ရုတ်တရက်ကြီး သူ သော့် အိမ်အပြန်ကို စောင့်ကြိုနေတာ.. အနည်းငယ်မှောင်ရီနေချိန်ဖြစ်ပေမယ့် မြင်မြင်လိုက်ချင်းလည်း သူမှန်း သော်ခံစားသိလိုက်ရတာ.. သူကလည်း သော်မှန်းသေချာစွာ ပြုံးပြနှုတ်ဆက်ခဲ့တာ.. သော်တို့ တကယ့်ကို စိတ်ချင်းနီးစပ်ကြသည်လား..

“ဟင်လို့.. သော့် အိမ်ကိုလိုက်လည်မယ် မဟုတ်လား.. လင်းပဲ ပြောတယ်လေ.. ပြန်လာဖြစ်ရင် ပြန်ရောက်ရောက်ချင်းနေ့မှာ သော်နဲ့ ညစာတူတူစားမှာဆို..”
“ဟင့်အင်း သော်.. ကျနော် မလိုက်သေးဘူးနော်.. နောက်မှ”
“ဟာ.. လင်း.. ”

သော် မကျေမနပ်ဖြင့် ဆုပ်ကိုင်ထားသော လက်ဖျားများကို လွှတ်ချပစ်လိုက်တော့ သူက သဘောကောင်းစွာပြုံးလျက် သော့်လက်များကို ပြန်လည်ဆုပ်ကိုင် လာပါသည်.. လင်း အရမ်းချမ်းနေပြီထင်တယ်.. လက်တွေ သိပ်အေးနေပြီ.. နှုတ်ခမ်းစူလျက် မော့ကြည့်နေသော သော့်ကို စိတ်ရှည်စွာ ပြုံးလျက်ကြည့်ပြန်သည်.. လင်း ပြုံးလိုက်တိုင်း အသက်အောင့်ထားမိတာ ဘာကြောင့်လဲမသိ..

“ကျနော် ဒီနေ့ မလိုက်နိုင်သေးဘူး သော်.. ကျနော် သိပ်ပင်ပန်းလာတယ်.. ခင်ဗျားကို တွေ့ချင်လွန်းလို့သာ ရောက်အောင်လာခဲ့တာ.. ကျနော် သွားမှဖြစ်မယ်.. နောက်မှပေါ့.. နော်”
“ထမင်းမစားရင်တောင် လိုက်တော့ လည်ဦးပေါ့.. လင်းပြန်လာပြီဆိုတာ မေကြီးကိုပြောပြဦးမယ်လေ”
“ဟင့်အင်း”

သူက တွင်တွင်သာ ငြင်းလျက်ရှိသည်.. သော် လက်လျှော့လိုက်ပါသည်.. လင်းကို ဘယ်တုန်းကမှ သော် ပြောလို့မနိုင်ဖူးပါ.. ကလေးဆန်စွာ အတင်းကာရော ငြင်းခုန်ကြလျှင်တော့ သော့်ထက် အသက်များစွာကြီးသည့် လင်းက အလျှော့ပေးတတ်မြဲဖြစ်ပေမယ့် ကျိုးကြောင်းဆီလျော်စွာ ပြောဆိုကြလျှင် သော် ဘယ်တုန်းကမှ မနိုင်ခဲ့ဖူး..

“ဒါဆိုလည်း အိမ်ရှေ့ထိတော့ လိုက်ပို့”

သော်က ထပ်၍ ဂျီကျတော့ သူက မေးဆတ်လျက် သွားလေဟု ပြောသည်.. လမ်းထိပ်နဲ့ အိမ်က မဝေးလှပါ.. သော်တို့လမ်းက လူလည်း မရှုပ်လှဘဲ လမ်းမီးများတော့ ထိန်လင်းလျက်ရှိနေသည်.. သော် သူ့လက်မောင်းကို တွဲခိုလျက် လျှောက်လာခဲ့သည်.. ဘာကြောင့်ရယ်မသိ.. ထိုအပြုအမူကို သူ လက်မခံဘဲရှိမည်ဟု ထင်နေသော်လည်း သူက အသာတကြည်ပင် သော့်လက်ကိုတောင် ပြန်၍ အုပ်ကိုင်ထားသေးသည်… အနားကို သိပ်နီးကပ်နေမိပြန်တော့ သူ့ဆီမှ သင်းသင်းပျံ့ပျံ့ မွှေးရနံ့တစ်ခုကို ရနေ၏.. ဆပ်ပြာနံ့လား ခေါင်းလိမ်းဆီနံ့လား ဘော်ဒီိလိုးရှင်းလား ရေမွှေးနံ့ဆိုရင်လည်း အတော်ကောင်းတဲ့ရေမွှေးဖြစ်ရမည်.. ခြံဝရောက်တော့ သော် စိတ်မလျှော့ချင်သေးသလို “တကယ် ပြန်တော့မှာလား” ဟု မေးတော့.. သူက ခေါင်းညိတ်၍သာ ဖြေပါသည်.. ပြီးတော့.. ရှေ့ကိုတလှမ်းတိုးလျက် သော့် နဖူးကို သူ မွှေးနမ်းသွား၏.. အချိန်ကြာမြင့်စွာ.. ပြီးတော့ တရှိုက်မက်မက်.. စက္ကန့်ပေါင်း ဘယ်လောက်ကြာသွားသည်လဲ.. မိနစ်ပေါင်းများစွာလား.. သော့်စိတ်ထဲမှာတော့ နာရီပေါင်းများစွာကြာမြင့်သည် ထင်မိ၏.. ဒူးများညွတ်ကျလုမတတ်..

သူ နောက်ပြန်ဆုတ်ရပ်လိုက်ပြီးတော့ တာ့တာ ပြကာ လှည့်ထွက်သွားသည်.. လမ်းကွေ့လေးမှ သူကွေ့သွားပြီး ကျောပြင်ကို မမြင်ရတော့မှ သူဘာနဲ့ လာသလဲဟု သော်မမေးလိုက်မိတာ သတိရသွား၏.. ချော်တွင်းကုန်းနဲ့ ဒီနဲ့ ဝေးတော့ဝေးတယ်.. သူ ကားငှားစီးလာသလား.. ကိုယ်တိုင်တော့ မမောင်းလာလောက်ဘူးထင်ပါရဲ့.. မနက်ဖြန် ဖုန်းဆက်ဖို့တို့ဘာတို့.. ဘာမှလည်း မမှာလိုက်မိ.. သော် ညံ့ပါသေးသည်..

အိမ်ထဲကို ရောက်တော့ အိမ်မှာ ညီထွေးရောက်နေသည်ကိုတွေ့ရသည်.. အတော်ပဲ ဒီကောင့်ကို ကြွားရမယ်.. လင်းနှင့်သော်၏ အွန်လိုင်းဆက်ဆံရေးကို ဘယ်တုန်းကမှ မနှစ်မြို့ခဲ့သည် ညီထွေး.. အခု လင်း တကယ်ပဲ ပြန်ရောက်လာပြီး သော့်ဆီအပြေးအလွှားလာတာသိရလျှင် ဘယ်လိုနေမည်မသိ..

“ညီထွေး ငါနင့်ကို ပြောစရာရှိတယ်”
“ငါတို့လည်း နင့်ကို ပြောစရာရှိတယ် သော်”

ညီထွေးမျက်နှာမကောင်းပါ.. သော် စူးစမ်းစွာ ညီထွေးကို ကြည့်နေခိုက် သော့် မေမေ အနားရောက်လာသည်.. မေမေလည်း မျက်နှာမကောင်းလှ.. အိမ်မှာ ဘာတွေဖြစ်နေပြီလဲ..

“ခုနကပဲ Melbourne က ဖုန်းလာတယ်”

ထုံးစံဖြစ်နေလို့လားတော့မသိ.. ရုတ်ကနဲ ပျော်သွားပြီးမှ.. မဟုတ်သေးပါဘူး ဟု တွေးမိသွားသည်.. လင်းကဖြင့် ဒီပြန်ရောက်နေပြီ.. ဘာကြောင့် ဟိုက ဖုန်း ဝင်နေရသေးတာလဲ.. ပြီးတော့ ဘာကြောင့်ရယ်မသိ.. သော် ရင်ထိတ်လာသည်.. ပူပန်လာသည်.. ညီထွေးကို လှမ်းကြည့်မိပြန်တော့ သူငယ်ချင်းလေးက ကြင်နာစွာပြုံးပြရင်း စကားစ၏..

“ကိုဆွေလင်း သူငယ်ချင်းလို့ပြောတယ်.. ကိုဆွေလင်း နေမကောင်းပြန်ဖြစ်နေတာကြာပြီ.. လွန်ခဲ့တဲ့ ၃ ရက်လောက်ကတည်းက အရမ်းဆိုးလာလို့ ဆေးရုံတင်လိုက်ရပြီး.. မနေ့က နေ့လည်ကပဲ.. သေ.. အဲ… ဆုံး သွားတယ်တဲ့.. အဲ့ဒါ သူ့ Phone Contact တွေထဲကနေ သူ့အိမ်ဖုန်းနဲ့ နင့်ဖုန်းကို ရှာပြီးအကြောင်းကြားပေးတာပြောတယ်… ”

မနေ့က နေ့လည်ကပဲ.. .. ဆုံးသွားတယ်… …
ဟင့်အင်း.. မဖြစ်နိုင်တာ.. မဟုတ်တာ.. လင်းက ဒီကိုပြန်ရောက်နေတာပါ… နေမကောင်းတဲ့ပုံလည်း မဟုတ်ပါဘူး.. လင်းကို သော်ကိုယ်တိုင်မြင်ခဲ့ရတာ.. လင်းရဲ့ ကိုယ်နံ့ကိုတောင် အခုထိ ရနေတုန်းလိုပဲ.. ပြီးတော့ သော်နဲ့တောင် စကားတွေ ပြောနေသေးတာ မဟုတ်လား.. အေးစက်စက်လက်ကလေးများဖြင့် သော့်လက်ကိုတောင် ဆုပ်ကိုင်ထားခဲ့သေးတာမဟုတ်လား.. သော့်ကိုတောင် ဒီအိမ်ရှေ့ထိပြန်ပို့ပေးခဲ့သေးတာ မဟုတ်လား.. သော့် နဖူးကိုတောင်…. .. ဟင့်အင်း.. မဖြစ်နိုင်လိုက်တာ..

“မယုံဘူး”
“သမီး”
“သော်…”

ထိတ်လန့်စွာ သော် ကြောင်အနေရာမှ အော်ဟစ်လိုက်မိတော့ မေမေရော ညီထွေးပါ စိုးရိမ်ပူပန်သွားကြသည်.. သော် ကမန်းကတမ်းပင် ဖုန်းနံပါတ်များမှတ်ထားသည့် စာအုပ်လေးကိုထုတ်လျက် လင်း၏ ချော်တွင်းကုန်းအိမ် ဖုန်းနံပါတ်ကို ရှာသည်.. ဖုန်းဆက်ကြည့်မယ်လေ.. လင်း အိမ်ကို ဖုန်းဆက်ကြည့်ရမယ်.. သော်နဲ့ တွေ့ခဲ့တာ လင်းပါ.. သော့်ကို နွေးထွေးစွာ ပြုံးပြခဲ့သေးတာ.. သော့်အနားမှာ အမြဲနေတော့မလို့ သူပြန်လာတာ.. “ကျနော် ရုတ်တရက်သေသွားရင်လား.. ခင်ဗျားဆီလာခဲ့မယ်လေ”ဟု တစ်ခါက လင်းပြောဖူးတာကို သတိရသွားတော့ သော် ကယောင်ချောက်ချားဖြစ်လာပြန်သည်.. ဟာ.. မဟုတ်ဘူး.. လင်း ဒီနေ့လည်ပဲ ရန်ကုန်ကို ပြန်ရောက်လာတာမဟုတ်လား.. အိမ်မှာ အနားတောင်မယူသေးဘဲ သော့် အိမ်အပြန်ကို လာစောင့်ကြိုနေတာ.. သူ့ မေမေနဲ့အတူ ညစာစားဖုိ့ ပြန်သွားတာ.. ခရီးပမ်းလာလို့ အိမ်မှာ သူအနားယူနေဦးမှာ.. ဟုတ်တယ်.. အဲဒီလိုပဲ ဖြစ်မှာပါ.. လင်း သူငယ်ချင်းဆိုတဲ့လူဟာ နောက်စရာ ရှားလို့ကွယ်..

ဖုန်းမြည်နေပြီ.. လာကိုင်မည့်သူ မရှိသေး.. “ကြီးမေလား.. သော်ပါ.. လင်းအိပ်နေပြီလား.. စကားခဏပြောချင်လို့နော်” လို့ ခွင့်တောင်းလိုက်လျှင်..
“အေး.. သော်.. ခဏလေးကိုင်ထားနော် သမီး” ဆိုပြီး.. “သားကြီးရေ.. သော့် ဆီကဖုန်း… ”လို့များ ခေါ်ပေးမှာလား.. ခေါ်ပေးပါနော် ကြီးမေ.. လင်းနဲ့ ခဏလေးဖြစ်ဖြစ် စကားပြောပါရစေ.. သူငယ်ချင်းတွေက အဲလိုပဲ သိပ်နောက်တတ်တာလို့ သော့်ကို ပြန်ဖြေတာကို ကြားပါရစေ.. “ခင်ဗျားကလည်းလေ..”လို့ အရင်လို ညဉ်းတွားပြောဆိုသံကို ကြားပါရစေ… ကပျက်ကချော်နဲ့ရယ်တတ်တဲ့ အသံချိုချိုလေးကို ကြားပါရစေ….

ဖုန်းက မြည်နေဆဲ.. လာကိုင်မည့်သူ မရှိသေး.. ကြီးမေ ဖုန်းကိုင်ပါတော့.. ဒါမှမဟုတ် လင်းကိုယ်တိုင် ကိုင်လိုက်ပါတော့.. ဒါမှ မဟုတ်လည်း တစ်ယောက်ယောက်.. ဘယ်သူဖြစ်ဖြစ်…. ..

ဖုန်းကမြည်နေဆဲ…
သော့် လက်ဖျားများ အေးစက်လာပါသည်.. … .

နည တို့ ငယ်ငယ်တုန်းကများဆို အလှူပွဲတွေ ရှင်ပြုတွေ ဘာညာမင်္ဂလာပွဲတွေဆို ငွေဖလားကြီးထဲမှာ စံပယ်ပန်းတွေ ပေါက်ပေါက်တွေနဲ့အတူတူ ပိုက်ဆံအသစ်ကလေးတွေကို ခေါက်ထည့်ထားတဲ့ဟာမျိုး ကြုံလိုက်ရသေးတယ်လေ.. လှတပတကြီးတွေ ပြင်ဆင်ထားတဲ့ အန်တီကြီးများက သို့မဟုတ် တိုက်ပုံကြီးတွေတကားကားနဲ့ ဦးလေးကြီးများက ဖလားကြီးထဲကနှိုက်ပြီးတော့များ ကြဲထည့်လိုက်ပြီဆိုရင် လာတဲ့လူတွေ ကလေးလူကြီး မရွေး ပိုက်ဆံကို အလုအယက်ကောက်ကြတာပဲနော့.. လူကြီးတွေကတော့ အိန်ဒရေလေးဘာလေးတွေ ဆည်ပြီး မသိမသာကောက်တာပေါ့လေ.. နညတို့ ကလေးများကတော့ ဘာရမလဲ.. ခုန်ပြီးလဲဖမ်း အပြေးအလွှားလည်းကောက်နဲ့ ပျော်စရာကြီးပဲ..

နည်းနည်းလေးကြီးလာတော့ကျတော့ ပိုက်ဆံကောက်ဖို့တွေဘာတွေက ရှက်လာသလိုလိုပဲ.. အလှူတွေ ဘုရားတွေမှာ ကလေးတွေနဲ့ တိုးခွေ့လုယက်ကောက်ဖို့ မပြောနဲ့.. တစ်ယောက်ထဲ လမ်းလျှောက်နေရင်း ပိုက်ဆံကျနေတာတွေ့ရင်တောင် ပြေးကောက်လိုက်ဖို့က အရင်လို ပေါ့ပါးသွက်လက်မနေတာတော့ အမှန်ပဲ.. ငါကောက်လိုက်ရင် ဘယ်သူက ကြည့်နေမှာလဲ.. ငါကောက်ကာမှ ပိုင်ရှင်ရောက်လာပြီး ပြန်တောင်းရင် ရှက်စရာကြီးနော.. ကောက်လိုက်ပြီးကာမှ သုံးမရတဲ့  ပိုက်ဆံစုတ်ကြီးဖြစ်နေရင် ဒုက္ခပဲနော.. စသဖြင့်ပေါ့လေ.. တောင်တွေးမြောက်တွေးတွေက အများကြီးပဲမဟုတ်လား..

ဒါပေမယ့် အခု ရန်ကုန်မှာ တချို့တချို့များရဲ့ ပိုက်ဆံကောက်နည်းလေးကတော့ ဟန်မပျက် ရှိုးမပျက် မသိမသာလေးပဲဗျာ.. ကားတွေဖြတ်သန်းသွားလာနေတဲ့ လမ်းဆုံခွတွေမှာလေ.. တိုက်ပုလေးတွေ ရှိတတ်တယ်မဟုတ်လား.. အရောင် ၃ ရောင်ခြယ်ထားတဲ့ အမိုးလေးနဲ့.. ဘေးပတ်လည်က တရုတ်ကပ်မှန်တွေ ကားထားတာလေ.. အဲ့ထဲမှာနေတဲ့လူတွေက ဘဲဥပုံဦးထုပ်ကို ဆောင်းတာ.. မြင်ဖူးကြရဲ့မဟုတ်လားဗျာ.. ဆိုကြပါစို့.. နည စီးလာတဲ့ ဘတ်စ်ကားကြီးက အဲ့လမ်းဆုံနားကိုရောက်လာပါရော.. မီးပွိုင့်မိတော့ ကားကရပ်သွား.. ကားပေါ်က စပယ်ရာလေးခမျာ သုတ်ကနဲ ပြေးဆင်းသွား.. အဲ့ ဘဲဥဦးဦးများရဲ့ ဆေးလိပ်ခွက်ကလေးထဲကို အလိပ်ကလေးတစ်လိပ်ထည့်.. သုတ်ကနဲ ပြန်ပြေးတက်လာ.. သူတောင် ကားပေါ်အချိုးကျကျမရောက်ရသေးပါဘူး.. မီးပွိုင့်လေးလည်း စိမ်းရောပဲပေါ့..

ဆိုကြပါစို့ နောက်တနည်း.. နည စီးလာတဲ့ ဘတ်စ်ကားကြီးက နောက်မှာ သူနဲ့လမ်းကြောင်းတူကားတစ်စီးပါလာသောကြောင့် အတင်း ရှေ့ကနေ ဝူးကနဲ ဗြဲကနဲ ဇွတ်မောင်းလာတယ်ပေါ့.. အဲ့မှာ ခပ်လှမ်းလှမ်းမှာ မြင်နေရတာက မီးပွိုင့်.. မီးပွိုင့်သာမိနေရင် နောက်ကားနဲ့ ကပ်သွားတော့မယ်.. ကိုယ်ကလွတ်ပြီး သူက မီးပွိုင့်မှာ ကျန်ခဲ့မှဖြစ်မယ်.. ဒီတော့ ခပ်လှမ်းလှမ်း မြင်သာတဲ့နေရာလောက်ကတည်းက လက်တစ်ဖက်ကို ဆန့်တန်းထုတ်ပြထားရင် မီးပွိုင့်လေးက စိမ်းမြဲစိမ်းတယ်ဗျား.. ကိုယ့်ကားဖြတ်ပြီးမှ တိန်ကနဲ နီသွားတော့တာ.. အဲ့ကျရင် ခုနက ထုတ်ထားတဲ့လက်တဖက်ကနေ ဘဲဥအိမ်လေးနားကို စက္ကူလေးလုံးချေပြီး ပစ်ချပေးခဲ့.. လက်ကလေးပြပြီး ရယ်ပြလိုက်.. ဟော.. မအိုကေဘူးလား..

အဲ.. အခု ပြောသွားတဲ့ အလိပ်ကလေးတို့ စက္ကူလုံးလေးတို့ဆိုတာ.. တခြားတော့မဟုတ်ဘူးလေ.. ၂၀၀ တန်ကလေးတွေကိုပြောတာပေါ့.. စပယ်ရာ တော်တော်များများက အလိပ်ပြေးထည့်ရတာထက် အလုံးလေးပစ်ချရတာကို သဘောကျကြတာ.. သူတို့ပစ်ချတဲ့ပိုက်ဆံကို ကောက်လိုက်တာမျိုးကို သူတို့က ကားပေါ်ကနေ အရသာခံပြီးကြည့်ချင်ကြတာမျိုးလေ.. အဲ့ဒိ သဘော အဲ့ဒိအထာကို နပ်လာတဲ့ ဘဲဥဦးဦးများကလည်း နောက်တော့ နည်းစနစ် တမျိုးပြောင်းလဲ ကျင့်သုံးသဗျ.. ဘဲဥအိမ်လေးနားမှာ မဲမဲညစ်ညစ် ပိန်ပိန်ညှောင်ညှောင်ကောင်ကလေးများကို တွေ့ရတော့တာပဲ.. ပစ်ပဲချချ.. အနားပဲ ကပ်ပေးပေး.. ဘဲဥဦးဦးများနဲ့ လားလားမျှ မသက်ဆိုင်.. အဲ့ဒိကောင်ကလေးများကိုပေးတာ.. အဲ့ဒိကောင်ကလေးများနဲ့သာ သက်ဆိုင်ပါသည်.. ဘဲဥဦးဦးများ ဘာမျှမသိပါပေါ့လေ.. ပိုင်တယ်နော်..

အဲ့ဒါနဲ့ ဟိုနေ့ကတော့ လမ်းမှာ ကထိန်ပွဲအတွက် လူငယ်လေးတွေ အင်္ကျီအဖြူ ပုဆိုးအဖြူတူညီလေးတွေဝတ်ပြီး ဒန်ဖလားများနဲ့ ဘတ်စ်ကားတွေ ဆီကနေ အလှူငွေတွေကောက်နေတာတွေ့တယ်.. အော်လံကြီးလည်း အော်လို့.. သူတို့ကလည်း ပျော်ပျော်ပါးပါးကြီး ကားတွေနား သွားလိုက်လာလိုက်နဲ့ အလှူခံနေတာပေါ့လေ.. လက်ကလည်း ဖလားကို ဂလုံးဂလုံးနဲ့ အသံမြည်အောင်လှုပ်.. ပါးစပ်ကလည်း မနားမနေ အော်နေပြီး ကားပေါ်ကနေ ထွက်လာတဲ့လက်ကလေးတွေကိုလည်း မျက်စိကကြည့်နေရသေးနဲ့ ပင်ပန်းနေကြတာ ကြည့်ပြီး သာဓုခေါ်မိပါရဲ့.. ဒါပေမယ့် အားမလိုအားမရနဲ့ တွေးမိတာကတော့ဗျာ.. ဒီကလေးတွေနှယ်.. မီးပွိုင့်နားလေးသွားစောင့်အလှူခံကြရောပေါ့.. ဒါမှ ကားပေါ်ကကျလာသမျှ ပိုက်ဆံတွေကို ဘဲဥဦးဦးများနားက ပိန်ညှောင်ညှောင်ကောင်လေးနဲ့ အတင်းတိုးဝှေ့ပြီး ကောက်လို့ရကြမှာ.. ငယ်ငယ်က အလှူတွေမှာ ပိုက်ဆံကျဲရင် လုကြသလိုပေါ့.. ပျော်စရာတောင် ကောင်းကောင်းသေးတော့..

Rules:
It’s harder than it looks!
Copy to your own note, erase my answers, enter yours.
Use the first letter of your name to answer each of the following questions.
If the person before you had the same first initial, you must use different answers.
You cannot use any word twice and you can’t use your name for the boy/girl name
question.

1. What is your name : NangNyi
2. A four Letter Word : Nard
3. A boy’s Name : Nanda (နန္ဒ)
4. A girl’s Name : Nwe (နွယ်)
5. An occupation : Net Artist
6. A color : Neutral
7. Something you’ll wear : Necklace
8. A food : Noodle
9. Something found in the bathroom : Nail Clipper
10. A place : Niagara
11. A reason for being late : Napping
12. Something you’d shout : Nonsense !!!
13. A movie title : Nightmare before Christmas
14. Something you drink : Nescafe
15. A musical group : Nirvana
16. An animal : Nightingale
17. A street name : Nar Nat Taw Street (နာနတ်တောလမ်း)
18. A type of car : Nimbus
19. The title of a song : Nway Oo Pon Pyin (နွေဦးပုံပြင်)
20. A verb : Native